Pulosang Kapampangan ( Kapampangan Music)

Metung la kareng masanting a suwala reng kapampangan, ini't aki tamu kareng dakal a kantang karelang gagawan. Anyang anak ku maralas keng akakit i tatang kung sisindi ne ing radio keng ganap a ala-una, kayi damdaman kono reng mangasanting at maka relax a kantang kapampangan. Kayabe ne ning kakung memorya ita uling kabang patugtug ne sasamasnan ne ing papag na tyaka ya matudtud. Siguro reng kantang areta gang man ngeni agyu ku lang ikanta pag dimdam kula.

Metung kareng makagaga kareng kantang kapampangan ing "Lugud ning Indu" Ing istoryang ayni papakit na nung makananu ya ing sakripisyu na ning metung pengari king anak na, nung makanu lang lugud keng kayang sibul, at nung makanu kasakit ing alang pengari at nung mawala la. atin din naman kantang kasaysayan kalupa na ning kwento at kanat ng "Flor Villaflor" at "40 days a mumuran". E din milalako reng kwela at kantang makatula at makalibang kalupa ning "Ing malsintang Berya" at "Istorya ng Raffy".
Metung yang elemento na ning metung kultura reng kanta. Kalupa namu reng pagmaragul dang kanta reng kapampangan ini't akit tamu nung nanu la katalento reng kapampangan.