Pormahang Kapampangan: Ing Galo

"Lokarin ka munta? Ot Kapiblas mo?", "Ng okasyun ot sinulud me pamasku mu?", "Ala soy, sali ku mu tindahan." " Ala soy, tumambay kumu ketang kantu". Yapin la reng madalas a sasabyan da reng manakit pag menakit lang makapiblas a kapampangan. Ing balada pag makapiblas la munta la mall okaya makipag-date la kieng paglolon da. Atin pa nga atyu la bale tiktak la kapabanglu at kaporma, enoman kanyan lage.
Atyu na ata keng kultura da reng kapampangan ing manyulud masanting at poporma gang ala nman okasyun o ala noman puntalan. Yan pa ing metung dang sasangkan deng tau nya awsan dong mayabang reng kapampangan. Ala noman kanung pera pero akit mulang pumorma balamu makwalta la. Pero gang maknyan man elapu Hypebeast reng Kapampangan, elapu Jejemon, sadyang hilig da talaga ing pumorma. Metung yapin sigurung sining para karela ing pane poporma gang ala lang puntalan. Ing pane dang OOTD o Outfit of the day para kereng lalaki ing maka-short kayi makawoven yang ating pattern. Minsan naman mahilig lang manyulud sobrang fit kari makatuklip ya baba. Para naman kareng babae, usu karela ing maka-high waist pant tyaka ne iparis keng croptop para keng pampababo. Iyang reng kapampangan, aldoldo maporma :)